وحده بتحكي نهفة صارت معها ..... لما نظفت بيتي ورتبته رن علي أخويا بده ييجي يزورني هو ومرته ركضت ع المطبخ أشوف شو في عندي ضيافة .
 ما لقيت غیر کم حبة برتقال .. عصرتهم وعملت منهم كاستين عصير وحطيتهم بالثلاجة وصل أخوي ومرته وإذا أمها جاية معهم وهي أول مرة بتدخل بيتي.
 انعجقت وما عرفت شو أعمل .. ما عندي غير هالكاستين ..؟
 المهم حطيت الكاستين قدام مرة أخوي وأمها .. وحطيت كاسة مي قدام اخوي وقلت له: بعرفك بتحب السفن آب ؟
 شرب منه رشفه وعرف إنه مي... وإذا بحماتي بتحكي والله أنا بدي سفن عشان معدتي!
 أنا أنعجقت وبطلت أعرف شو أعمل ...؟
 هون اخوي الله يرضى عليه أنقذ الموقف وقال هسا بجيب القزازة من جوا ،  فات ع المطبخ وسمعنا صوت قزاز انكسر؟
 رجع قال لحماته للأسف انكسرت القزازة وصار يمزح معي .. وهسا بروح أجيب وحدة ..
طبعا ما رضيت حماته، وما طولوا بالقعدة ..
 وهو طالع حط بإيدي خمسين ليرة وقال لا تنسي تنظفي المطبخ من السفن مشان النمل.