الحلقة الأولى

عطيات بنت الحتة

تعود عطيات (سمية الخشاب) من كليتها، وتسير في الحتة وهي ترتدي ملابس تكشف الذي تكشفه.. ينادي عليها عبده الجزار: إزيك يا خفيف.. يا بولحم وبولوبيف.

تظهر علائم الامتعاض على وجه عطيات وتصيح به باللهجة الإسكندرانية: أيييوه.. ما تخليك بحالك يا بتاع الخواريف.

عبده:أنا بتاع الخواريف يا بتاعت يوري .. والله لانا موريكي.

عبده يهجم على عطيات، فيما يأتي شاب أسمر، شعره مصبوغ أخضر (يوري مرقدي) يتدخل لابساً جلابية صعيدي:

يوري: إيه ده، هي حصلت أنك تهجم على عطيات.

عبده: أيييوه يا جدعان.. من فين جانا البتاع ده؟..

يركض عبده حاملاً ساطور، يوري يهرب ويحتمي بعطيات..

عطيات: أنت مش لاقي حد يوقفك عند حدك (تشمر عن ذراعيها) وتنزل بـ عبده ضرب. يوري يشجعها ويغني:

امرأتي

أنا عربية..

وأم أبيها اسكندرانية..

أحبك يا عطيات.. يا بتاعت العضلات.

الحلقة الثانية

المعلم سوسة أبو سنة

عطيات تدير المحطات في التلفزيون: إيه ده.. مافيش مسلسل يفتح النفس في رمضان ده؟.

أم عطيات: ما تهدي بئا.. مش كفاية أنك ضربتي عبده ودخلتيه المستشفى.

عطيات: يستأهل.. أصله عايز يتأدب.

أم عطيات تشد شعرها: طيب سيبي الرجاله يأدبوه، مش تطلعي أنت راجل قدام الحتة كلها.

عطيات: يا ماما!

أم عطيات: بلا ماما بلاوكسة. اسمه إيه ده. بصي أنت تقدم ليكي المعلم أبو سنه (وحيد سيف) وحنجوزوكي إياه.

عطيات: إيه …لأ أنا مش عاوزه، حكمل دراستي.

عطيات: أه ده اللي أنت فالحة بيه.. طول النهار وأنت فلتانه مع الواد إبن الحجة أم يوري وتقوليلي دراسة، حتتجوزي المعلم سوسة أبو سنة.. يعني ح تتجوزيه.

عطيات: بس ده مسوس .. وبتاع مخدرات؟

أم عطيات: وماله يختي .. دول اللي معاهم الفلوس، لما يسوسو يبقوا مشهورين وما ينفعش معهم لا كلوز أب ولا كول جيت.

عطيات تبكي: اهئ.. اهئ… والله لاروح إسرائيل وافجر نفسي.

أم عطيات: أيوه.. هو ده اللي كان ناقصنا، علشان يحطنا بوش على قائمة الإرهاب.. دنا حشرب من دمك.

الأم تهجم على عطيات وتنزل فيها عض..

الحلقة الثالثة

كيف نعيش بلا كابريس!؟.

عطيات ما تزال مشتبكة مع أمها

يدق الباب، تصيح الأم بعطيات: قومي.. افتحي الباب.

يدخل المعلم أبو سنة: إيه ده.. إيه ده.. يمد يده إلى وجه عطيات، مش حرام الجمال ده ينضرب. إيه ده (يفتح فمها وينظر داخله) معقولة يا عطيات سنانك مش مسوسة. ولا حتى سنة.

أم عطيات: أصلها يا خويا رافضة تتجوزك.

أبو سنة: معقولة.. معقولة يا عطيات ترفضيني، دنا حشممك وأسوسك

وأخليكي آخر منجهة.

عطيات: أصلي بحب واحد تاني..

أبو سن: إيه .. بتحبي واحد غيري، إيه يا أم عطيات، أمال الفلوس والفراخ نزله لهط فيهم، وطول النهار تقوليلي كيف نعيش بلا كابريس.لأ.. أنا ما ينضحكش عليا، إنتو فاكريني إيه ، دا ده أنا أقلبها لطم.

يخرج أبو سنة مسدس التسويس..يهدد به عطيات.. يلا، أدامي يا بنت الإيه، والله لا لخلي سنانك تكت لوحدها إن ما طاوعتينيش..

أبو سنة يخطف عطيات..

الحلقة الرابعة

لسه فيه أمل

دق على الباب، يفتح يوري.. تدخل أم عطيات مستغيثة: إلحقني يا يوري يا إبني.. أبو سنة خطف عطيات. والنبي تلحقني.

يوري: هدي بالك يا خالتي.. أنا حنقزها.

تقع الأم منهارة على الأرض. يوري يذهب إلى مصنع معجون الأسنان يدخل غرفة التجهيزات، تقول له الدكتورة: ما تخفش.. لسه في أمل!.

يوري يقول بلهفة: ساعديني يا حكيمة..

يخرج يوري من المصنع مرتدياملابس قتالية ويحمل مسدسين. يركب سيارة مازدا 1902.

ويطارد عربية أبو سنة، ويطلق النار عليها دون فائدة، عطيات تخرج رأسها من الشباك تصرخ: إلحقني يا يوري..

يوري يصيح: بحبك يا عطيات....

السيارة تنحرف جانباً، أبو سنة يترجل وسط رجاله ويمسك بعطيات بيده.

أبو سنة: يلا يا رجاله.. حضروا حالكم، يوري جاي..

عطيات: ده حيفرمك..

أبو سنة: اسكتي يا بت.

يوري يأتي ممتلئا حماساً، يندفع صارخاً وهو يطلق النار: عربي أنا.. إخشيني.

أحد رجالة أبو سنة يطلق رصاصة واحدة يقع يوري ميتاً..

الحلقة الخامسة

أبو سنة مع عطيات واحد الرجال يدخل: خلاص يا معلم..

؟‍أبو سنة مش مصدق: مات

الرجل: وشبع موت..

عطيات: يا وكستي.. يا خراب بيتك يا عطيات..

المذيع:

البقية في الحلقة القادمة..!؟